ЦIа-цIелиг (Теремок)

Арахь лаьтташ цIа-цIелиг ду.
Лекха а дац, лоха а дац.
Бедда боьдуш дахка бу.
ЦIа-цIелиг а гина, иза соцу,
НеIаре а бахана, цо хотту:
– ЦIиц! ЦIиц! ЦIиц! ЦIиц! ЦIиц! ЦIиц!
ЦIиц! ЦIиц! ЦIиц! ЦIиц! ЦIиц! ЦIиц!
Мила, мила ву цIа-цIелиг чохь Iаш?
Мила, мила ву лохчу цIа чохь Iаш?
Мила ву цIено чохь Iаш?
Цхьа а вац цIелиг чохь Iаш, цхьаммо а жоп ца ло.
Дахка, цIа-цIелиг чу а баьлла,
Цу чохь баха хиира, эшарш а лоькхуш:
– ЦIиц! ЦIиц! ЦIиц! ЦIиц! ЦIиц! ЦIиц!
ЦIиц! ЦIиц! ЦIиц! ЦIиц! ЦIиц! ЦIиц!
Арахь лаьтташ цIа-цIелиг ду.
Лекха а дац, лоха а дац.
Кхийсалуш, йогIуш баьццара пхьид ю.
ЦIа-цIелиг а гина, иза соцу,
НеIаре а еъна, цо хотту:
– Вакъ! Вакъ! Вакъ! Вакъ! Вакъ! Вакъ!
Вакъ! Вакъ! Вакъ! Вакъ! Вакъ! Вакъ!
Мила, мила ву цIа-цIелиг чохь Iаш?
Мила, мила ву лохчу цIа чохь Iаш?
Мила ву цIено чохь Iаш?
– Со бу, дахка-цIоьмалг. Ткъа хьо мила ю?
– Со пхьид вакъ-вакъ ю.
– Схьайола, цхьаьна Iийр ду вай.
– ХIинцца дlайогlу.
Пхьид цIелиг чу иккхира.
И шиъ даха хиира, эшарш а лоькхуш:
– ЦIиц! ЦIиц! ЦIиц! ЦIиц! ЦIиц! ЦIиц!
– Вакъ! Вакъ! Вакъ! Вакъ! Вакъ! Вакъ!
Арахь лаьтташ цIа-цIелиг ду.
Лекха а дац, лоха а дац.
Ирхлелхаш йогIуш жима пхьагал ю.
ЦIа-цIелиг а гина, иза соцу,
НеIаре а еана, цо хотту:
– ЧIукI! ЧlукI! ЧIукI! ЧIукI! ЧIукI! ЧIукI!
ЧIукI! ЧIукI! ЧIукI! ЧIукI! ЧIукI! ЧIукI!
Мила, мила ву цIа-цIелиг чохь Iаш?
Мила, мила ву лохчу цIа чохь Iаш?
Мила ву цIено чохь Iаш?
– Со бу, дахка-цIоьмалг.
– Со ю, пхьид вакъ-вакъ. Ткъа хьо мила ю?
– Со пхьагал – деха лергаш ю.
– Схьайола, цхьаьна Iийр ду вай.
– ХIинцца дIайогIу.
Пхьагал цIелиг чу иккхира.
Уьш кхоъ даха хиира, эшарш а лоькхуш:
– ЦIиц! ЦIиц! ЦIиц! ЦIиц! ЦIиц! ЦIиц!
– Вакъ! Вакъ! Вакъ! Вакъ! Вакъ! Вакъ!
– ЧIукI! ЧIукI! ЧIукI! ЧIукI! ЧIукI! ЧIукI!
Арахь лаьтташ цIа-цIелиг ду.
Лекха а дац, лоха а дац.
Дедда догIуш мекара цхьогал ду.
ЦIа-цIелиг а гина, иза соцу,
НеIаре а деъна, цо хотту:
– ТIав! ТIав! ТIав! ТIав! ТIав! ТIав!
– ТIав! ТIав! ТIав! ТIав! ТIав! ТIав!
Мила, мила ву цIа-цIелиг чохь Iаш?
Мила, мила ву лохчу цIа чохь Iаш?
Мила ву цIено чохь Iаш?
– Со бу, дахка-цIоьмалг.
– Со ю, пхьид вакъ-вакъ.
– Со ю, пхьагал – деха лергаш. Ткъа хьо мила ю?
– Со цхьогал – хаза йиша ду.
– Схьадола, цхьаьна Iийр ду вай!
– ХIинца дIадогIу.
Цхьогал цIа-цIелиг чу делира.
ХIинцца диъ цхьаьна дара уьш,
Эшарш а лоькхуш, цхьаьна Iаш:
– ЦIиц! ЦIиц! ЦIиц! ЦIиц! ЦIиц! ЦIиц!
– Вакъ! Вакъ! Вакъ! Вакъ! Вакъ! Вакъ!
– ЧIукI! ЧIукI! ЧIукI! ЧIукI! ЧIукI! ЧIукI!
– ТIав! ТIав! ТIав! ТIав! ТIав! ТIав!
Арахь лаьтташ цIа-цIелиг ду.
Лекха а дац, лоха а дац.
Едда йогIуш борз-катухург ю.
ЦIа-цIелиг а гина, иза соцу
НеIаре а еъна, цо хотту:
– У-у! У-у! У-у! У-у! У-у! У-у!
У-у! У-у! У-у! У-у! У-у! У-у!
Мила, мила ву цIа-цIелиг чохь Iаш?
Мила, мила ву лохчу цIа чохь Iаш?
Мила ву цIено чохь Iаш?
– Со бу, дахка-цIоьмалг,
– Со ю, пхьид вакъ-вакъ.
– Со ю, пхьагал-деха лергаш.
– Со ду, цхьогал-хаза йиша. Ткъа хьо мила ю?
– Со борз-катухург ю.
– Схьайола, цхьаьна Iийр ду вай!
– ХIинцца дIайогIу!
Борз цIа-цIелиг чу елира.
ХIинца пхиъ дара уьш.
Самукъане Iара уьш, эшарш а лоькхуш:
– ЦIиц! ЦIиц! ЦIиц! ЦIиц! ЦIиц! ЦIиц!
– Вакъ! Вакъ! Вакъ! Вакъ! Вакъ! Вакъ!
– ЧIукI! ЧIукI! ЧIукI! ЧIукI! ЧIукI! ЧIукI!
– ТIав! ТIав! ТIав! ТIав! ТIав! ТIав!
– У-у! У-у! У-у! У-у! У-у! У-у!
Арахь лаьтташ цIа-цIелиг ду.
Лекха а дац, лоха а дац.
Техкаш йогIуш йоккха ча ю.
ЦIа-цIелиг а гина, иза соцу,
НеIаре а еъна, цо мохь хьокху:
– ОхI! ОхI! ОхI! ОхI! ОхI! ОхI!
ОхI! ОхI! ОхI! ОхI! ОхI! ОхI!
Мила, мила ву цIа-цIелиг чохь Iаш?
Мила, мила ву лохчу цIа чохь Iаш?
Мила ву цIено чохь Iаш?
– Со бу, дахка-цIоьмалг.
– Со ю, пхьид вакъ-вакъ.
– Со ю, цхьогал-хаза йиша.
– Со ю, борз-катухург. Ткъа хьо мила ю?
– Со ча-гома когаш ю-кх.
– Схьайола, цхьаьна Iийр ду вай.
Ча цIа-цIелиг чу яла йолаелира.
ГIерта-гIерта, гIерта-гIерта, чу ца ялало.
ТIаккха цо элира:
– Со-м шун тхов тIехь Iийр ю.
– Тхов бухур бу, тIаккха ахьа тхо хьошур ду.
– ХIан-хIа, хьошур дац.
– Делахь, тIеяла!
Ча тхов тIе елира.
Иза охьахуъушехь,
Тхов, дар-рашт – аьлла, чубуьйжира.
ЦIа-цIелиг, цхьана агIор дIа а хаьрцина,
Дерриг а дуьйхира.
Цунна чуьра халла аралелха кхиира:
Дахка-цIоьмалг,
Пхьид вакъ-вакъ,
Пхьагал-деха лергаш,
Цхьогал-хаза йиша,
Борз-катухург –
Дерриш дийна а, могуш а долуш.
ТIаккха уьш массо а бIогIамаш кхехьа а,
Аннаш хедо а буьйлабелира –
Кхин цIа-цIелиг дан.
Хьалхалерчул а дика
ЦIа-цIелиг дина дIахIоттийра цара!



Гочдинарг: Ватаригова Лиза