Къонахи кхачош бу

ХIоране хIусамехь хийла
Тийжаш ду йиша а нана
Шай бала кийрахь хьулбина
Вай дай бу гIайгIано лаьцна.

Сам вала хIай нохчо гIатта
Ахь стенга ла доьгIу тахна
Хьай къома могIаре хIотта
Хир ву хьо къонаха тIакха.

Хир ду техьа вай Даймохк боцуш
Хир ду техьа Нохчийчоь йоьлхуш
Къар ца луш мостагIех леташ
Хир ду техьа къонахи кхачош?

Ахь бокха нохчий куй тилларх
Хаалахь воций хьо къонах
Нохчийн мотт ахь говза бийцарх
Хьох ала мегар дац Нохчо.

Ламазна ахь корта беттарх
Бусулба ву эр дац хьуна
Кхайкхича хьай жимчу къомо
Ваш Хилла ца хIоттахь улло.